Шайбалы хоккейден Чехияда өтіп жатқан әлем чемпионатының алғашқы жартылай финалында Канада жарысты ұйымдастырушы елдің құрамасын жеңді - 2:0.
Канада жеті жылдан кейін әлем чемпионатының финалына шығып отыр. Бұл елдің құрамасы соңғы рет 2007 жылғы әлем біріншілігінің финалында ойнап, Финляндияны 4:2 есебімен жеңген.
Канада финалда әлі жалғасып жатқан АҚШ-Ресей матчының жеңімпазымен кездеседі.
Чехия құрамасы екінші жыл қатарынан жартылай финалда жеңілді. 2014 жылы Чехия Финляндиядан 0:3 есебімен жеңілген. Ал қола үшін өткен матчта Швецияны жеңе алмаған - 0:3.
Биылғы әлем чемпионатының финалы 17 мамырда Прагада өтеді.
